Kryetari i grupit parlamentar të PD-së, Enkelejd Alibeaj kërkon interperlancë urgjene me kryeministrin Edi Rama për çështjen “McConigal”.
Në shkresën dërguar zyrtarisht Kuvendit, Alibeaj rendit një sërë pyetjesh të cilat kërkojnë përgjigjet e kreu të qeverisë.
Si e takoi Rama zyrtarin e lartë të FBI-së, si një person privat apo si i dërguar i FBI-së? A ka qenë pjesë e diskutimeve sulmi i stisur ndaj Partisë Demokratike për financime ruse? Kush janë funksionarët e Kryeministrisë që kanë dërguar të dhëna për hetimin e kësaj çështje penale? Cila është marrëdhenia e Edi Ramës me Dorian Duçkën dhe pse qeveria i ka dhënë statustin e investitorit strategjik oligarkut rus, Oleg Deripaska?
Këto janë disa nga pyetjet e ngrituara nga grupimi i Alibeaj.
Të enjten në Parlament kërkesa e demokratëve për interperlancë me kreun e qeverisë për të njëjtën çështje u refuzua nga Kuvendi.
Arsyeja ishte se ajo nuk ishte kryer sipas rregullores. Në një intervisteë për Vizion Plus, Taulant Balla, kryetari i grupit parlamentar të PS, deklaroi se mazhoranca qeverisëse është e gatshme të përballet me çeshtjen “McConigal”.
Mbetet për tu parë nëse kërkesa e Alibeaj do të merret parasysh.
