Aleatët e PD-së shohin tek skenari i dështimit të zgjedhjes së presidentit me synim zgjedhjet e parakohshme, një situatë të pazakontë.
Kreu i LZHK-së Dashamir Shehi, thotë se edhe ne një rast të tillë, opozita nuk duhet të marre pjesë ne votime. Ndërsa Agron Duka i Partisë Agrare Ambientaliste mendon se ky moment kërkon një vendim më të matur politik.
Por Shehi dhe Duka shprehen se kanë shpresë për zgjidhjen e krizës me ndërmjetësimin e ndërkombëtareve.
Megjithatë, dy aleatët e PD-së ritheksojnë nevojën për krijimin e një qeverie teknike, e cila do të garantojë zgjedhje të lira e të ndershme.
