Një nga vendimet e para të ndërmarra nga qeveria e re e Albin Kurtit në Kosovë, ishte ulja e pages së anëtarëve të kabinetit qeverisës.
Në mbledhjen e dytë të qeverisë këtë të mërkurë, Kurti ka shfuqizuar vendimin e paraardhësit të tij Haradinaj, i cili dy vite më parë i kishte rritur pagat e zyrtarëve qeveritarë100 për qind.
Sipas vendimit të Haradinajt, kryeministrit i rritej paga nga 1500, në 2950 euro.
Rritje kishte edhe për ministrat dhe zyrtaret e tjere te larte.
“Pagat kthehen me rregullimin e mëhershëm. Ky vendim nuk ka efekt në gjykatën Kushtetuese e as në sistemin juridik”, – ka deklaruar kryeministri Kurti gjatë mbledhjes.
