Pas një aventure në Jordani se fundmi, ish-futbollisti 32-vjecar i Kombëtares Kuqezi dhe i asaj kosovare ka nënshkruar një kontratë me amatoret e Elversberg.
Kontrata ka afat deri në qershor 2019, me opsion zgjatje edhe një vit. Me klubin tradicional Elversberg ka luajtur me parë edhe ish-sulmuesi i Kombëtares Shqiptare Edmond Kapllani.
Klubi i Elversberg në faqen e tij zyrtare ka postuar foton ku mesfushori mban bluzen e re dhe shkruan se është një fat që një lojtar i tillë me eksperience jo vetëm në Bundesligën 1 dhe 2 por edhe me skuadra të tjera në nivel ndërkombetar në Turqi, Arabinë Saudite, e së fundi në Jordani vjen dhe i bashkohet Elversbergut.
Edhe Meha ka folur me superlativa për ambjentin që ka gjetur te klubi i ri ku do të kontribuojë me eksperiencën e tij, por sigurisht edhe me teknikën e lartë në përdorimin e topit apo goditjet e mrekullueshme të dënimit.
