Kombet e bashkuara kanë ngritur alarmin për numrin e madh të fëmijëve të prekur nga luftërat dhe fatkeqësitë natyrore. UNICEF vlerëson se në vitin 2020, 59 milion fëmijë, nga 64 vende te botes, do të kenë nevojë për ndihmë. Për këtë arsye ka nisur zbatimi i një plani emergjent që synon mbledhjen e fondeve në shifrën 4.2 miliardë dollarë.
Drejtoresha e Përgjithshme e “UNICEF, Henrietta Fore, deklaroi se numri i fëmijëve të detyruar të braktisin shtëpitë e tyre e që kanë nevojë për mbrojtje dhe mbështetje është ne rekord historik.
Konfliktet mbeten shkaqet kryesore, përveç urisë, sëmundjeve dhe ngjarjeve ekstreme të motit të lidhura me ndryshimin e klimës, të cilat detyrojnë miliona të tjerë të kërkojnë ndihmë për shpëtimin e jetës. Situata më kritike ka të bëjë me refugjatët sirianë dhe komunitetet pritëse në Egjipt, Liban, Irak dhe Turqi.
Numri i vendeve që po përjetojnë konflikt është në pikën e tij më të lartë që nga miratimi i Konventës për të Drejtat e Fëmijëve në vitin 1989. Urgjencat humanitare I privojnë femijet nga shëndetësia, ushqimi, uji, arsimi dhe nevoja të tjera themelore.
