Kosova ka regjistruar bilancin më të rëndë të viktimave qëkurëse ka nisur pandemia. 16 pacientë e kanë humbur betejën me Covid 19 ndërsa janë identifikuar edhe 258 raste të reja infektimi. Autoritetet shëndetësore e konsiderojnë situatën alarmante pasi edhe kapacitetet spitalore janë të pamjaftueshme.
Qeveria e Kosovës ka shtuar masat për parandalimin e sëmundjes, mes tyre edhe ndalimin e grumbullimeve fetare./
Bashkësia Islame, në vendin me 96% të popullsisë muslimane, ka vendosur të mos lejojë faljen e namazit me xhemat përgjatë 10 ditëve të ardhshme.
NAIM TERNAVA
MYFTI I KOSOVES
“Bashkësia Islame e Kosovës lajmëron të gjithë besimtarët e Republikës së Kosovës se nesër pezullohet falja e namazit të Bajramit dhe për dhjetë ditë rresht pezullohen faljet, ritet nëpër të gjitha xhamitë e Kosovës. Sigurisht, me qëllimin e vetëm: të ruhet shëndeti publik i të gjithë qytetarëve të Kosovës”.
Edhe vizitat familjare që përcjellin festën nuk do të lejohen, po ashtu edhe organizimet e tjera me më shumë se 5 persona.