Tre të akuzuarit për vrasjen makabre të Liridona Ademajt, janë deklaruar të pafajshëm në seancën paraprake që u mbajt në Prishtinë këtë të premte.
Naim Murseli tha se është plotësisht i pafajshëm ndaj akuzës për vrasje të rëndë ndërsa prokuroria dha detaje të aktakuzës dhe tha se Murseli e kishte planifikuar vrasjen e bashkëshortes së tij. I vetmi që pranoi fajësinë ishte Tom Dodaj personi që i shiti armën me të cilën kreu vrasjen, Naim Murseli.
Dodaj u dënua me 5 vite heqje lirie. Nëse shpallen fajtor Naim Murseli dhe dy personat që e ndihmuan Granit Plava dhe Kushtrim Kokalla mund të dënohen nga 10 vjet e deri me burgim të përjetshëm.
Liridona Ademaj, 30 vjeçe, u vra më 29 nëntor të vitit 2023 në një rrugë në fshatin Bërnicë të Prishtinës. Ngjarja u raportua fillimisht si grabitje me pasojë vrasjen, por dy ditë më vonë autoritetet arrestuan bashkëshortin e saj. Naim Murseli kishte premtuar 30.000 euro shpërbim për vrasjen e bashkëshortes, Liridonës, dhe madje e kishte mbajtur me njërën dorë, që ajo të mos shmangte plumbin.Qitësi, sipas aktakuzës, është Granit Plava, ndërsa Kokalla ishte ai që kishte gjetur Plavën për të kryer krimin.
Deri më tani besohet se vrasja ndodhi pas konflikteve të vazhdueshme që kishin dy bashkëshortët. /vizionplus.tv
