Avokati Alban Bengasi, i cili u arrestua dy ditë më parë në Rinas, do të qëndrojë në burg pa afat.
Ai akuzohet se pagoi 120 mijë euro Nuredin Dumanin për të vrarë ish-bashkëshorten e tij. Kjo ngjarje është zbuluar pasi Dumani pranoi të bëhet bashkëpunëtor i drejtësisë.
Ai ka rrëfyer porosinë e avokatit, që sipas tij donte të hakmerrej ndaj gruas, pas divorcit. Por në sallën e gjyqit, Alban Bengasi mohoi akuzat, duke thënë se prokuroria është futur në një rrugë pa krye me dëshmitë e Dumanit.
Sipas tij, ai ka marrëdhënie normale ish – bashkëshorten edhe pse janë të divorcuar. Në fund, Bengasi kërkoi që të hetohej pa masë sigurie.
“U kanë futur në një rrugë pa krye, u kanë orientuar gabim. Nuk kam lidhje me akuzat. Me bashkëshorten kam marrëdhënie normale pavarësisht se jemi divorcuar. Kërkoj të hetohem pa masë”, ka thënë ai para gjykatës.
Gjykata ne fund vendosi te lere ne burg avokatin.
