Policia e Durrësit ka arrestuar një shtetas egjiptian i cili akuzohet se krijoi në Itali një organizatë kriminale për trafikim të qenieve njerëzore.
Në pranga ka rënë shtetasi Walid Elabd, 49 vjeç, të lindur në Egjipt, i cili ishte shpallur në kërkim ndërkombëtar nga Italia.
Gjykata e Katanias, Itali, ka lëshuar urdhër arresti për këtë shtetas, për veprën penale “Trafikimi i qenieve njerëzore”, kryer në kuadrin e organizatës kriminale.
Për këtë veprimtari kriminale ligji në Itali parashikon si dënim maksimal 20 vjet burgim.
Interpol Tirana vijon bashkëpunimin me Interpol Romën, për të finalizuar procedurën për ekstradimin e 49-vjeçarit, në Itali./vizionplus.tv
