Eksperti i sigurisë, Gert Metani, i ftuar këtë të enjte në Quo Vadis në Vizion Plus, të moderatores Pranvera Borakaj, ka analizuar punën e qeverisë, drejtësisë dhe akuzat politike.
Metani, duke iu referuar një eksperimenti, tha se sot kushdo që shkon të punojë në ministri rrezikon të korruptohet, pasi mendohet se “kështu bëjnë të gjithë”.
Pjesë nga biseda:
Metani: Bindjen ndaj autoritetit e ka i gjithë komisioni i prokurimeve, drejtorët që kemi parë, madje edhe vetë ministrja. Të gjithë i binden një autoriteti të fuqishëm, sepse mendojnë se kështu është e drejtë. Pastaj i binden këtij autoriteti dhe dëmi vjen tek ne. Këtu hyn eksperimenti i njohur: njëri shkonte te bananet dhe hidhej me ujë të ftohtë. Kështu kemi arritur në pikën ku të gjithë kanë vjedhur.
Borakaj: Çfarë do të thotë?
Metani: Që kushdo të shkojë në krye të ministrive, do të shkojë me mentalitetin e majmunit: ta bëjmë se e kanë bërë të gjithë.
Muça: Faktet nuk janë në favor të Gertit, pasi ka rreth 700 milionë euro që askush nuk guxon t’i firmosë.
