Këngëtari i grupit polifonik të Lapardhasë, Nazif Çela ishte I ftuar të mërkurën në studion e emisionit “Vizioni Pasdites”.
Gjatë bisedës kompozitori dhe këngëtari i afro 90 këngëve ngriti shqetësimin e mos respektimit të të drejtave të autorit. I pyetur nga moderatorja Evi Reçi nëse dikush i ka vjedhur një këngë, Nazif Çela befasoi me përgjigjen e tij.
Ai u shpreh se Mariza Ikonomi ka përdorur këngën e tij pa leje, duke ia “shitur” publikut si të sajën.
“Mariza Ikonomi kengen që ka kënduar, e ka marrë siç e kam kënduar unë në album”, u shpreh ai.
Këngëtari polifonik, akuzoi drejtpërdrejt këngëtaren jo vetëm për përdorimin pa leje të këngës por madje edhe për faktin që nuk I ka ndryshuar një presje versionit original të tij.
“Nuk I ka hequr asnjë presje, vetëm muzikën I ka future dhe ka dalë tek ai vreshti për të ngrënë rrush, jo për të kënduar, se atë këngë e kisha bërë unë”, përfundoi Çela.
Bëhet fjalë për këngën “S’të kam harruar”, e publikuar 3 vite më parë nga këngëtarja Mariza Ikonomi dhe që renditet si një nga këngët më të klikuara të saj.
