35 vite burg ka kërkuar Prokuroria e Fierit për Engjëll Hodaj, i akuzuar për vrasjen e ndodhur në shkurtin e vitit të kaluar në fshatin Roms të Mallakastrës. Sipas organit të akuzës, 31-vjeçari ka vrarë me një çifte Eduart Zotaj dhe ka plagosur rëndë, Blerim Beqiraj. Pak çaste para ngjarjes, autori dhe viktima ishin duke pirë me njëri-tjetrin në lokalin e fshatit, kur mes tyre nisi një grindje për motive banale. Pretenca e Prokurorisë u mbështet edhe nga të dhënat e dëshmitarëve, të cilët ishin të shumtë në momentin kur ndodhi vrasja, duke ngritur zyrtarisht, ndaj 31-vjeçarit Engjëll Hodaj, akuzën e “vrasjes në rrethana cilësuese”.
