Autoriteti Kombëtar i Ushqimit bllokoi këtë të enjte rreth 1200 kilogramë djathë të bardhë dhe kaçkavall, si dhe gjizë qe po shitej pranë tregut agroushqimor në Tiranë. Vendimi erdhi pasi inspektoret vunë re se pronari i mallit, Mariglen Zenelaj, nuk kishte respektuar kushtet higjieno sanitare.
Produktet ishin po ashtu pa etiketë dhe iu mungonte sistemi i gjurmueshmërisë. Pas analizave të bëra, rezultoi se tre produkte kishin mbingarkesë mikrobiologjike. Për pasoje biznesi u gjobit me 500 mijë lekë, si dhe bllokim te mallit.
