Aksioni i IKMT në Berat

Shembet godina 2 kateshe e ngritur ne qendër të qytetit të Beratit. Fadromat e inspektoratit me mbështetjen e forcave të rendit kane prishur ndërtesën qe sherbente si banke e nivelit të dyte. Burimet zyrtare nga policia bashkiake bëjnë me dije se ky objekt është bërë pengesë për realizimin e projektit të “Rikonstruksioni dhe rikualifikimi i sheshit qendror Teodor Muzaka”. Të njëjtat burime, referuar edhe shkresave zyrtare deklarojnë se objekti ka qenë me leje dhe se pronari i tij është dëmshpërblyer. Asnjë prej pronarëve të kësaj ndërtese nuk ka qenë i pranishëm gjatë aksionit për prishjen e godinës.