Aksion kundër Putin në Rusi

Në 80 qytete të Rusisë janë zhvilluar protesta në mbështetje te liderit te opozitës, Aleksey Navalny, i cili ishte vendosur kohët e fundit nën arrest mbi shkeljet e përsëritura të ligjit ne tubimet publike. Protestat përkuan me ditëlindjen e 65-të të presidentit rus Vladimir Putin.

Protestuesit kërkuan që autoritetet të lirojnë Navalnyn dhe ta lejojnë atë të kandidojë për president në zgjedhjet e ardhshme të vitit 2018.

Aktualisht Navalny po shlyen një dënim prej 20 ditësh në burg për shkelje të ligjit për organizimin e mitingjeve. Kjo është hera e tretë që ai dërgohet prapa hekurave. Autoritetet elektorale ruse deklarojnë se ai nuk mund të garojë në zgjedhjet e marsit për shkak të dënimeve.

Shumica e manifestimeve kanë qenë të paligjshme, përfshirë ato të zhvilluara në Moskë dhe Shën Petërburg. 40 persona janë arrestuar me akuzën e prishjes së rendit publik.

Në muajt e fundit Navalni ka udhëtuar në mbarë Rusinë në përpjekje për të realizuar fushatë elektorale.