Nga 1 tetori, bizneset e mëdha do të jenë sërish nën “lupën” e administratës fiskale, duke shënuar nisjen e aksionit “antiinformaliteti 3”.
Kjo është fushata e tretë që qeveria nis ndaj informalitetit. Në dy aksionet e para, rezultatet nuk kanë qënë të kënaqshme. Por çfarë do të jetë ndryshe në këtë fazë të tretë?
Ministri Ahmetaj i shoqëruar edhe nga dy drejtoret e administratës fiskale, teksa vizitoi një biznes prodhues në Tiranë, evidentoi sektorët me risk, ku do të fokusohet vëmendja më e madhe.
Lufta ndaj informalitetit është një betejë e vazhdueshme e shteti me biznesin apo individët që shkelin ligjin. Rezultati i kësaj lufte varet kryesisht nga vullneti i institucioneve, për t’i shkuar deri në fund abuzuesve të ligjit.
