Aksidentoi për vdekje 32 vjeçarin e u largua, arrestohet autori

Një 28 vjeçar ka rënë në prangat e policisë së Durrësit pasi aksidentoi për vdekje me makinë një 32 vjeçar.

Shtetasi i arrestuar është me inicialet E.C., banues në Durrës.

Sipas policisë, 28 vjeçari mbrëmjen e datës 17.09.2019 në Rrotull, Durrës, duke drejtuar mjetin tip Peugot ka aksidentuar me pasojë vdekje shtetasin R.Ç., 32 vjeç, i cili drejtonte një biçikletë.

Ai akuzohet për veprat  penale “Largimi nga vendi i aksidentit” dhe “Shkelja e rregullave të qarkullimit rrugor”.