Policia ka dhënë detaje të reja për aksidentin që i mori jetën 2-vjeçarit mbrëmjen e sotme. Pas verifikimeve ka zbuluar se drejtuesi i mjetit tip “Benz” që shkaktoi aksidentin, është 58-vjeçari Ylber Manarkolli, i cili është shoqëruar në komisariat për veprime të mëtejshme.
Pas aksidentit drejtuesi i mjetit është larguar nga vendngjarja, ndërkohë që 2-vjeçari është sjellë me urgjencë në Spitalin e Traumës ku dhe ka ndërruar jetë për shkak të plagëve të marra.
Lexo edhe :
Ndërkohë policia bën me dije se aksidenti ka ndodhur në Fushë Domje dhe jo në Kamëz siç u raportua më herët.
Njoftimi:
Në vijim të informacionit paraprak të dhënë pak më parë ju bëjmë me dije se;
Falë veprimeve të shpejta procedurale dhe hetimore, shërbimet e Policisë kanë bërë të mundur identifikimin dhe kapjen e drejtuesit të automjetit, që aksidentoi me pasojë vdekjen e dy vjeçarit.
Drejtuesi i automjetit, shtetasi Y. M., 58 vjeç, është shoqëruar në Komisariat për veprime të metejshme procedurale.
Gjithashtu, është bërë gjetja dhe sekuestrimi i automjetit tip “Benz”me të cilin ky shtetas shkaktoi aksidentin.
Nga verifikimet ka rezultuar se aksidenti ka ndodhur në Fushë Domje dhe jo në Kamëz.
Punohet për sqarimin e plotë e rrethanave dhe shkakut të aksidentit.
