Një tjetër urban është aksidentuar mesditën e sotme në Tiranë, pas autobusit të linjës së “Unazës së Re” i cili ra në Lanë të premten e 29 prillit.
Autobusi i linjës “Qyteti Studenti” është përplasur në stacionin ku presin qytetarët përballë Fakultetit të Shkencave të Natyrës. Si pasojë e përplasjes është thyer xhami i përparmë i autobusit dhe xhami i stacionit.
Ky aksident vjen tre ditë pasi një tjetër autobus përfundoi në Lanë, duke shkaktuar edhe plagosjen e pasagjerëve.
