Aksidentohet me makinë Tiger Woods, ylli i golfit përfundon në spital

Ylli amerikan i golfit, Tiger Woods përfundoi në një spital, pas dëmtimeve të shumta që pësoi gjatë një aksidenti. Makina me të cilën po udhëtonte doli nga rruga dhe u përmbys.

45-vjeçari ishte i vetëm në automjetin SUV kur u aksidentua pranë komuniteteve periferike Rolling Hills Estates dhe Rancho Palos Verdes.

Agjenti i tij, Daniel Rapaport, tha në një deklaratë se: “Woods pësoi aksident me makinë këtë mëngjes në Kaliforni, ku mori dëmtime të shumta në këmbë. Ai aktualisht është në operacion.”