Katër shtetas shqiptarë janë konfirmuar të vdekur ndërsa pritet ende përgjigje për një të 5 si pasojë e aksidentit hekurudhor në Greqi.

Ifigjenia Micka, Pavlin Bozo, Joanis Xhollas dhe Klaudia Lato janë personat që kanë humbur jetën nga përplasja fatale ndërsa nuk bëhet i ditur identiteti i personit të pestë i cili është shpallur si u zhdukur nga familjarët dhe policia greke.

 

Aksidenti tragjik shkaktoi në total 57 vitkima ndërsa mbetën të plagosur  dhjetëra të plagosur, 5 prej të cilët ndodhen në gjendje kritike për jetën.

 

Puna për identifikimin e trupave ka shkuar drejt fundit ndërsa ngjarja ka shkaktur zemërim të madh dhe protesta në të gjithë vendin, duke vënë në dyshim standardet e të gjithë sistemit hekurudhor të shtetit fqinj.

 

Si shkak i ngjarjes, paraprakisht është përcaktuar një gabim njerëzor i punonjësit të stacionit të hekurudhës në Larisa, por që sindikatat e punëtorëve thonë se ishte e pashmangshme, për shkak të sigurisë së ulët në sistem dhe mungesës së personelit.

 

Treni i pasagjerëve ishte i mbushur me studentë, që ktheheshin pas një fundjave pushimi, dhe shumica e personave që humbën jetën ishin në moshë të re.

 

Familjet e viktimave janë zotuar se do të kërkojnë drejtësi dhe zbardhje të plotë të ngjarjes.

 

Sindikatat e punëtorëve të hekurudhave kanë organizuar protesta 24-orëshe, që nga e mërkura, ndërsa do të vazhdojnë edhe përgjatë fundjavës. Një protestë tjetër është paralajmëruar që do të zhvillohet të dielën në sheshin qendror të kryeqytetit.

 

Të premten, policia dhe protestuesit u përleshën, pasi 2,000 studentë marshuan nëpër Athinë, duke bllokuar rrugën përpara parlamentit. Demonstrata të studentëve e qytetarëve ka patur gjithashtu në Larisa dhe Selanik.

Leave a Reply

Your email address will not be published. Required fields are marked *