Aksidenti tragjik në Kodër-Kashar/ Prangoset shoferi, dyshime se ishte i dehur

Policia arrestoi shoferin që shkaktoi një aksident të rëndë në Kodër-Kashar.

Dyshimet janë që 27-vjeçari Zija Murati të ketë qenë në gjendje të dehur në timon, çka mund të jetë bërë shkak për përplasjen e mjetit me muri, shkruan “Vizion Plus”.

Përplasja rezultoi fatale për tre pasagjerët që udhëtonin me të, dy vëllezër dhe kushëriri. Të tre ata humbën jetën tragjikisht.