Kujtim dhe Murat Istrefi janë dy nga përsonat që ndërruan jetë në aksidentin e rrugës së Arbrit këtë të mërkurë.
Personi i tretë që ndërroi jetë është një grua e identifikuar si Lulzime Istrefi, gjithashtu dyshohet se është e të njëjtës familje.
Katër persona kanë mbetur të plagosur rëndë.
Sipas informacioneve paraprake, një automjet ka qenë duke u futur në rrugë dhe një tjetër ka ardhur nga Maqellara duke i goditur në mes.
Burime thonë se në mjetin tip benz 240 udhëtonte një familje e cila kishte qenë për një vizitë në Gjoricë.
Bulqizë / Informacion paraprak
Rreth orës 18:15, në aksin rrugor Fushë Bulqizë-Shupenzë, në vendin e quajtur ‘Ura e Gjoricës’, janë përfshirë në një aksident rrugor 2 automjete dhe për pasojë kanë humbur jetën në vendngjarje shtetasit K.I., dhe M.I. si dhe ka humbur jetën në spital shtetasja L.I.
Gjithashtu janë transportuar për ndihmë mjekësore në spital shtetaset F.I., K.M., dhe shtetasit M.L., E.L., pasagjer në automjete.
Grupi hetimor ndodhet në vendin e ngjarjes po punon zbardhjen e shkaqeve të aksidentit.
