Një përplasje tragjike mes tre mjeteve ka shkaktuar një bilanc të rëndë në aksin rrugor Tiranë-Fushë Krujë.
Aksidenti i rëndë rreth orës 17:30, në Tapizë, ku janë përplasur mjeti tip “Benz” me një mjet tip “Volkswagen” dhe një autobus ka lënë të vdekur një person ndërsa 6 të tjerë janë plagosur.
Viktima është shtetasi F.Xh.,59 vjeç drejtues I makinës tip “Volkswagen” .
Po si pasojë e përplasjes janë dëmtuar dhe 6 pasagjerë të tjerë që udhëtonin në makinat e përfshira në aksident dhe autobuzin e udhëtarëve që po shkonte në Shkodër.
Të plagosurit janë dërguar në spital nën kujdesin e mjekëve jashtë rrezikut për jetën.
Ndërkohë grupi hetimor po punon zbardhjen e shkakut të aksidentit.