Të paktën 3 persona kanë mbetur të vdekur dhe mbi 45 të tjerë janë plagosur, si pasojë e një aksidenti tragjik në Pragë. Ngjarja e rëndë ndodhi mbrëmjen e së premtes, në periferi të qytetit. Sipas policisë, një autobus me 32 pasagjerë goditi një minibus dhe më pas u përplas në mënyrë fatale me një pemë buzë rrugës.
Mendohet se shkak i aksidentit ishte një automjet qe po tentonte të parakalonte, ndërsa shoferi i autobusit ka manovruar për t’i shpëtuar tragjedisë, por pa sukses. Drejtuesi i makinës, i cili tentoi të parakalonte dhe dy pasagjerë në autobus, kanë humbur jetën, ndërsa 5 persona të tjerë mes tyre dhe dy fëmijë, raportohet se janë në gjendje kritike për jetën.
