Një aksident tragjik u shënua mbrëmjen e kësaj të mërkure në fshatin Komsi të Bashkisë së Matit.
Një mjet tip Opel u përplas me një motoçikletë për rrjedhoje dy persona përkatësisht 335 dhe 29 vjeç kane humbur jetën. Ngjarja u shënua në rrugën Burrel-Komsi në vendin e quajtur lapidari. Mësohet se mjeti tip Opel po lëvizte drejt Burrelit, e po ashtu edhe mjeti motoçikletë që është goditur nga pas.
Drejtuesi i mjetit ka humbur kontrollin duke u përplasur në një kanal e më pas ka përplasur dy persona të cilët ndodheshin në trotuar. Si pasojë e përplasjes së fortë, ka humbur jetën në vend shtetasi Gentian Hani 29 vjeç.
Gjatë transportimit për në spitalin e traumës në Tiranë, humbi jetën edhe shtetasi Alfred Balla 35 vjeç i cili ishte pasagjer ne motoçiklete. Policia mbërriti ne vendngjarje, por shkaktari i aksidentit mësohet se është larguar. Uniformat blu janë vene ne ndjekje te drejtuesit te makinës.
