Aksident në Vorë/ Përplasen dy makina, plagoset oficerja e policisë rrugore

Një punonjëse e policiae rrugore ka mbetur e plagosur në krye të detyrës pas një aksidenti që ndodhi paraditen e të mërkurës në Vorë.

Dy automjete u përplasen me njëri-tjetrin e për pasojë një prej tyre përplasi me efektiven Arta Shurbi, e cila ndodhej në afërsi të vendit të aksidentit.

Automjeti e hodhi disa metra tej policen, duke i shkaktuar dëmtime të shumta në trup.

Menjëherë ajo u dërgua në Spitalin e Traumës, ku fatmirësisht ndodhet jashtë rrezikut për jetën.

Drejtuesi i njërit prej mjeteve që u përfshinë në aksident dhe goditi efektiven është shtetas i huaj, që kishte ardhur në Shqipëri për pushime.

Ky nuk është aksidenti i parë i ku Arta Shurbi mbetet e plagosur. Ajo u përplas nga një kamion në afërsi të kthesës së Kamzës në vitin 2021, ndërkohë që ndodhej në krye të detyrës po pësoi vetëm dëmtime të lehta.