Aksident në Vlorë, makina merr para dy pushues

Dy persona janë plagosur në një aksident rrugor të ndodhur mbrëmjen e së premtes në Vlorë.

Ngjarja ka ndodhur në Lungomare, pranë Ujit të Ftohtë, ku një makinë ka përplasur dy pushues.

Bëhet me dije se drejtuesi i mjetit tip Benz, Nikola.M., ka aksidentuar shtetasit G.B., 50 vjeç dhe R.B., 10 vjeç, nga Tirana.

Sipas Bluve të Vlorës, të dëmtuarit janë transportuar në Spitalin Rajonal Vlorë për të marrë ndihmë mjekësore dhe ndodhen jashtë rrezikut për jetën. Ndërsa drejtuesi i mjetit është shoqëruar në ambjentet e Komisariatit të Policisë Vlorë.