Aksident në Pukë, makina përplaset me motorin, dy të plagosur

Dy persona kanë mbetur të plagosur si pasojë e një aksidenti rrugor të ndodhur në aksin rrugor Vau Dejës-Pukë.

Aksidenti ka ndodhur pranë fshatit Çafë-Laç, ku një mjet tip Volkswagen me drejtues shtetasin F. M. 52 vjeç, banues në Pukë, është përplasur me një motor tip Shineray.

Për pasojë kanë mbetur të dëmtuar drejtuesi dhe pasagjeri i motorit, shtetasit G. A. rreth 60 vjeç dhe V. L. 52 vjeçe.

Dy të plagosurit u dërguan në Spitalin Rajonal Shkodër dhe janë nën kujdesin e mjekëve.

Ndërkohë drejtuesi i mjetit F. M. është shoqëruar në ambjentet e D. V. P. Shkodër për veprime të mëtejshme.

Në vendngjarje po kryhen veprimet me grup hetimor për sqarimin e rrethanave të aksidentit.