Aksident në Pogradec, dy të lënduar

Një aksident është regjistruar pasditen e sotme në Pogradec, në afërsi të vendit të quajtur “Guri i Kuq”.

Policia bën me dije se rreth orës 17:10,  automjeti tip “Audi” me drejtues shtetasin F. Y., është përplasur me automjetin tip “Opel “, me drejtues shtetasin A. M., dhe me automjetin tip “Ford”, me drejtues shtetasin H. H.

Si pasojë e përplasjes kanë mbetur të dëmtuar drejtuesi i automjetit tip “Ford” shtetasi H. H., si dhe bashkëshortja e tij shtetasja Xh. H., të cilët ndodhen në spital nën kujdesin e mjekëve.

Drejtuesi i automjetit tip “Audi”, shtetasi F. Y., është shoqëruar në ambjetet e Komisariatit, për veprime të mëtejshme procedurale.

Grupi hetimor ndodhet në vendngjarje, për të zbardhur rrethanat dhe shkakun e aksidentit./vizionplus.tv