Aksident në Levan – Fier, një viktimë

Një person ka humbur jetën, si pasojë e përplasjes nga një makinë në rrugën Levan – Fier. Ngjarja ndodhi mëngjesin e kësaj të mërkure rreth orë 07:20, në vendin e quajtur “qafa e Koshovicës”. Automjet tip benz që drejtohej nga 19-vjeçari Klajdi Profka, ka dalë nga rruga, duke përplasur dy kalimtarë, që kanë qenë duke pritur autobusin e linjës. Viktime e këtij aksidenti është Hajredin Hoxha 66 vjeç, ndërsa bashkëshortja e tij, Floresha Hoxha, ka marre disa plage e ndodhet ne spital, jashtë rrezikut për jetën. Sipas policisë, shkak i aksidentit ka qenë shpejtësia dhe asfalti i lagur.