Aksident me dy të plagosur në Unazën Veriore të qytetit të Korçës.
Ngjarja ka ndodhur afër lagjes së “Sportit” në një nga kryqëzimet e kësaj lagje. Nga përplasja e mjeteve kanë mbetur të plagosur të dy drejtuesit e mjeteve, të cilët janë dërguar në spitalin e Korçës për ndihmë mjekësore.
Burime të sigurta thanë se mjeti me targa greke ka qenë duke udhëtuar në unazën e këtij qyteti kur është goditur nga mjeti tjetër që lëvizte nga një rrugë dytësore në unazë.
Kjo manovër e gabuar ka sjell dhe përplasjen e tyre duke shkaktuar dhe dy të plagosur.
Unaza Veriore e qytetit më të madh në juglindje të vendit është një nga segmentet më të rrezikshëm me aksidente të shumta, madje dhe më pasojë vdekje.
Shkak i aksidenteve është mungesa e sinjalistikës edhe në rrethana kur unaza ndan në dy anë një nga lagjet periferike të këtij qyteti.
Policia ka mbërritur në vendngjarje dhe po punon për zbardhjen e rrethanave të aksidentit.
