Një aksident automobilistik, fatmirësisht pa viktima, është regjistruar mbrëmjen e së dielës në aksin rrugor Fier-Kraps. Automjeti tip Audi, ka dalë nga rruga, duke përfunduar në shinat e trenit, pranë linjës hekurudhore Fier-Ballsh. Si pasojë e përplasjes, drejtuesi i saj, Admir Agalliu ka marrë disa plagë në kokë. Ai është dërguar menjëherë në spital, ku ndodhet në kujdesin e mjekëve. Policia dyshon se aksidenti erdhi si pasoje e shpejtësisë tej normave të lejuara.
