Një aksident rrugor është regjistruar mbrëmjen e kësaj të mërkure në rrugën e Spitalit Memorial në Fier.
Në ngjarje janë përfshirë dy automjete, një “Mercedes” dhe një “Toyota”. Si pasojë e përplasjes, njëra prej makinave ka përfunduar në kanal, ndërsa tjetra ka pësuar dëmtime të konsiderueshme në pjesën e përparme.
Dy persona kanë mbetur të lënduar dhe janë dërguar menjëherë për mjekim në spitalin rajonal të Fierit.
Në vendngjarje ndodhet policia, e cila po punon për të sqaruar shkaqet dhe rrethanat e aksidentit.
/vizionplus.tv
