Dy persona mbetën të plagosur si pasojë e një aksidenti në aksin rrugor Elbasan-Metalurgjik.
Sipas policisë mjeti tip “Benz” me targa AA 641 PU, me drejtues shtetasin H.F., 24 vjeç, banues në lagjen “Xhami”, Peqin, është përplasur me mjetin tip “Ford” me targa AA 362 TR me drejtues shtetasin A.K., rreth 40 vjeç, banues në Elbasan.
Si pasojë e aksidentit të dy drejtuesit kanë mbetur të plagosur, ndërsa bëhet me dije se janë transportuar në spitalin e Elbasanit dhe janë jashtë rrezikut për jetën.
