Aksident në aksin Milot-Rreshen, plagosen rëndë tre persona

Tre persona janë plagosur si pasojë e një aksidenti rrugor të ndodhur këtë të mërkurë në aksin rrugor Milot-Rreshen.

Ngjarja ka ndodhur në vendin e njohur si Fushë-Milot, ku mjeti me drejtues shtetasin E.H.,23 vjeç, banues në Tropojë është përplasur me mjetin me drejtues shtetasin A.M., 49 vjeç, banues në Tiranë.

Si pasojë e përplasjes kanë marrë demtime dhe janë transportuar në spitalin e Traumës Tiranë, drejtuesit e  mjeteve si dhe shtetasi F.S., 46 vjeç,banues në Tiranë, i cili ndodhej si pasagjer në mjetin me drejtues A.M.