Aksident me një të vdekur në aksin rrugor Korçë – Pogradec. Ngjarja ka ndodhur në afërsi të fshatit Zvirinë ku nga përplasja e një mjeti tip “Nissan” me një motor ka gjetur vdekjen një 73 vjeçar banues në fshatin Zvirinë.
Burime thanë se drejtuesi i mjetit ka qenë duke lëvizur nga Pogradeci drejt Korçës kur ka përplasur për vdekje 73 vjeçarin, me një goditje aq të fortë ku i moshuari ka gjetur vdekjen në vendin e aksidentit ndërkohë që mjeti ka marrë para për më shumë se 40m çiklomotorrin.
Burime pranë grupit të hetimit thanë se 73 vjeçari ka dashur të kalojë nga njëri krah i rrugës nacionale në anën tjetër, devijim ky që ka sjellë edhe përplasjen me mjetin tip “Nissan”.
Drejtuesi i mjetit është ndaluar nga policia për të sqaruar rrethanat e këtij aksidenti. Duhet thënë se kryqezimi i fshatit Zvirinë për mungesë të sinjalistikes, mungesë të një mbikalimi apo nënkalimi është bërë shpesh burim aksidentesh madje dhe me pasoja
Maliq/Informacion paraprak
Më datë 05.09.2023, rreth orës 18:00, në aksin rrugor “Korçë-Pogradec”, pranë fshatit Zvirinë, Maliq, automjeti tip “Mitsubishi”, me drejtues shtetasin V. Xh., 51 vjeç, ka përplasur një motomjet tip “Nissan”, me drejtues shtetasin P. V., 73 vjeç, banues në fshatin Zvirinë, i cili për pasojë ka ndërruar jetë.
Me drejtuesin e automjetit V. Xh., po kryhen veprimet e mëtejshme procedurale.
Grupi hetimor po punon për zbardhjen e shkaqeve të aksidentit.
