Aksident me vdekje në Pogradec
Një aksident me vdekje është regjistruar mbrëmjen e kësaj të premte në aksin rrugor Pogradec – Qafë Plloçë.
Aksidenti ka ndodhur tek ura e Leshnices, ku një mjet ka përplasur një këmbësor duket e lënë të vdekur ne vend.
Drejtuesi i mjetit pasi ka goditur këmbësori është larguar nga vendi i ngjarjes.
“ Rreth orës 18:25, në aksin rrugor “Korçë-Pogradec”, në vendin e quajtur “Ura e Leshnicës” është gjetur i pa jetë shtetasi F. P. 40 vjeç, banues në Petrushë.
Nga veprimet e para të kryera në vendin e ngjarjes dhe këqyrja paraprake e trupit dyshohet të jetë aksidentuar nga një mjet i cili është larguar nga vendi i ngjarjes.
Grupi hetimor nën drejtimin e Prokurorisë ndodhet në vendngjarje dhe po punon për zbardhjen e rrethanave të ngjarjes, identifikimin e mjetit dhe drejtuesit të tij që dyshohet se ka aksidentuar me pasojë vdekjen, shtetasin F.P.
Ndërkohë shërbimet e Policisë po vijojnë kontrollet në servise dhe ambiente të ndryshme në të gjithë aksin rrugor Korçë – Pogradec dhe në fshatrat përreth, me qëllim gjetjen e automjetit dhe arrestimin e drejtuesit të tij”, thuhet në njoftim.
