Një aksident me pasojë vdekjen e një personi është regjistruar në aksin rrugor Lezhë-Shëngjin.
Një 19 vjeçar me inicialet E.M., banues në Lezhë, duke drejtuar automjetin ka aksidentuar shtetasin F.P., 29 vjeç, banues në Tropojë. Si pasojë e aksidentit, 29 vjeçari ka humbur jetën.
Ndërkohë drejtuesi i mjetit është shoqëruar në ambientet e policisë për veprime të mëtejshme hetimore procedurale.
Grupi hetimor ka shkuar në vendngjarje dhe po vazhdon hetimet për zbardhjen e plotë të rrethanave të aksidentit.
