Një 14 vjeçare ka gjetur vdekjen në një aksident rrugor në aksin Bilisht – Korçë
Ngjarja e rëndë ka ndodhur në kryqëzimin e fshatit Zemblak. Burime nga vendi i ngjarjes thanë se 14 vjeçarja se bashku me nënën e saj ka qenë duke udhëtuar nga qyteti i Bilishtit në drejtim të fshatit Zemblak.
Në afërsi të këtij kryqezimi kanë zbritur nga mjeti i cili udhëtonin dhe kanë tentuar të kalojnë nga njëra anë në anën tjetër të rrugës.
Kalimi i cili ka rezultuar fatal për 14 vjeçaren, e cila është goditur nga një mjet tip “Opel” me targa greke që po lëvizte nga Korça në drejtim të pikës kufitare të Kapshticës.
Goditja ka qenë aq e fortë sa minorenia ka gjetur vdekjen e menjëhershme.
Sipas ekspertëve të policisë edhe drejtuesi i mjetit në momentin e aksidentit ka qenë duke lëvizur me shpejtësi tej normave të lejuara, aq më tepër në afërsi të një kryqezimi
Grupi i hetimit po heton për shkaqet e aksidentit dhe për këtë ka marrë në pyetje nënën e 14 vjeçares, drejtuesin e mjetit si dhe persona të tjerë të ndodhur në momentin e aksidentit në vendin e ngjarjes
Maliq/Informacion paraprak
Më datë 31.10.2023, rreth orës 11:00, në aksin rrugor “Korçë-Bilisht”, pranë kryqëzimit të fshatit Zëmblak, Maliq, automjeti tip “Opel” me drejtues shtetasin I. K., ka përplasur një shtetase 14-vjeçare, këmbësore në rrugë, e cila për pasojë ka humbur jetën.
Më drejtuesin e automjetit po kryhen veprimet e mëtejshme procedurale.
Grupi hetimor po punon për sqarimin e rrethanave të aksidentit.
