Një aksident i rëndë ka ndodhur mëngjesin e sotëm rreth orës 07;40 në Autostradën “Ibrahim Rugova”. Një makinë me targa shqiptare është përplasur me një kamion.
Si pasojë kanë humbur jetën dy shtetase shqiptare që po udhëtonin në mjet.
Viktimat janë identifikuar si Elizabeta Katija, 43-vjeçe (drejtuesja e mjetit) dhe Eorda Sinollari, 32 vjeçe (pasagjere), të cilat kanë ndërruar jetë në vend. Dyshohet se shkak i aksidentit, ishte koha e keqe dhe me mjegull.
Nga aksidenti mbeti i plagosur rëndë edhe drejtuesi i kamionit, Munish Grajçefci, i cili ka është duke marrë ndihëm mjekësore në spital dhe ndodhet jashtë rrezikut për jetën.
Ndërsa policia e Kosovës, bën me dije se hetimet vazhdojnë për zbardhjen e plotë të aksidentit që i preu në mes jetën e dy shqiptareve./vizionplus.tv
