Një aksident i rëndë ka ndodhur këtë të enjte në Gjilan ku si pasojë ka humbur jetën një person dhe janë plagosur 16 të tjerë mes të cilëve dy ndodhen në gjendje të rëndë.
Në këtë aksident autoritetet policore në Gjilan bëjnë me dije se janë përfshirë mbi 10 automjete ku përveç dëmeve materiale një person ka humbur jetën dhe dhjetra të tjerë kanë ngelur të plagosur.
Ngjarja ka ndodhur në orët e mesditës, ku dyshohet se ka ndodhur për shkak të problemeve teknike të një kamioni transportues.
Në lidhje me këtë aksident të rëndë është arrestuar drejtuesi i automjetit transportues, tani i dyshuari M.A., nga Peja, të ndalohet për 48 orë.
