Një 23 vjeçare humbi jetën mëngjesin e kësaj të enjteje në një aksident rrugor. Ngjarja ndodhi rreth 03:15 në aksin rrugor Patos – Fier, ku viktimë mbeti Maltjana Hëna, që ishte pasagjere në makinë.
Nga aksidenti u plagos rëndë edhe shoferi i mjetit tip “benz”, 27-vjeçari Taulant Ershani. Sipas policisë, makina që drejtohej nga i riu, doli nga rruga në vendin e quajtur kthesa e Patosit.
Policia dyshon se shkak i aksidentit ishte shpejtësia e madhe. Edhe në Durrës, një 70 vjeçare humbi jetën pasi u godit nga treni.
Përplasja ishte fatale për të moshuarën e cila humbi jetën menjëherë. Ndërkohë policia shoqëroi në komisariat makinistin 62 vjeçar, për sqarimin e rrethanave të ngjarjes.
