Një aksident i rëndë rrugor është shënuar mëngjesin e sotëm në autostradën Lezhë–Laç, pranë kryqëzimit të Markatomajt.
Sipas informacioneve paraprake, në ngjarje janë përfshirë dy automjete dhe një motor. Si pasojë e përplasjes, drejtuesi i motorit ka mbetur i plagosur rëndë, ndërsa është transportuar me urgjencë drejt spitalit për të marrë ndihmën mjekësore.
Fatmirësisht, dy drejtuesit e automjeteve nuk kanë pësuar lëndime. Burime nga vendngjarja bëjnë me dije se motoristi po udhëtonte drejt punës në momentin e aksidentit.
Policia ndodhet në vendngjarje dhe po heton shkaqet e plota të aksidentit, ndërsa qarkullimi në segmentin ku ndodhi ngjarja është vështirësuar për disa minuta.
