Ajola Xoxa ka ndarë me të gjithë ndjekësit e saj një detikim special për mungesën prej dy javësh të babait të saj.
Babai i Xoxës ka ndërruar jetë në moshë 67 vjeçare, si pasojë e një sëmundje të rëndë.
“U bënë më shumë se dy javë pa babin dhe ajo çka më mungon më shumë është ta përqafoj. Të gjithë ju që i keni prindërit pranë, thuajini sa shumë i doni dhe përqafojini fort, ashtu siç do të kisha dashur ta përqafoja tim atë tani. Për ju që i keni larg, merrini në telefon dhe bëni një bisedë të gjatë me ta. Asgjë nuk i gëzon më shumë se sa të jenë në praninë tuaj, e do të vijë një ditë që asgjë nuk do t’ju gëzonte më tepër se sa të ishit në praninë e tyre. Thesari i vërtetë në këtë jetë është familja.”
