Presidenti maqedonas Gjeorgje Ivanov nuk sprapset nga vendimi për te mos i dhënë mandatin kreut socialdemokrat Zaev për krijimin e qeverise.

 

Shqetësimit te tij te shprehur ne një letër drejtuar ndërkombëtareve i është përgjigjur vetëm SHBA, ndërsa nga Brukseli nuk ka ndonjë reagim.

 

Kryetari i BDI, Ali Ahmeti, paralajmëroi se ne keto kushte kriza ne vend mund te zgjasë edhe katër vjet deri ne zgjedhjet e ardhshme parlamentare dhe mund te përdoret nga disa politikane per te nxitur nje konflikt etnik.

Ne nje intervistë për agjencinë e lajmeve “Reuters” ai u shpreh se situata mund te zgjidhet me mjete politike, per te mos lejuar qe te kete nje problem ndëretnik per synimet e disa partive.

 

VMRO-DPMNE serish ka kërkuar nga LSDM qe te heqe dore nga platforma shqiptare dhe ka akuzuar Zaev se po shet interesat kombëtare per te ardhur ne pushtet.

 

Ne nje deklarate partia e Gruevskit përsërit thirrjen qe platforma te votohet nga populli. Megjithatë, përfaqësues te LSDM  theksojnë se nuk do te heqin dore nga marrëveshja me BDI platformën shqiptare.

 

 

Leave a Reply

Your email address will not be published. Required fields are marked *