Parlamenti u bë arena e debatit të nxehtë politik. Opozita sikundër kishte paralajmëruar vijoi akuzat në adresë në kryeministrit Edi Rama dhe ministrit të Brendshëm Fatmir Xhafaj.
Kreu demokrat Lulzim Basha, akuzoi se kreu i qeverisë dhe ministri kanë ushtruar terror ndaj dëshmitarit, pjesë e audiopërgjimit të publikuar nga opozita, ku sipas të cilës bisedonte me Agron Xhafaj për trafik droge.
Opozita kishte një skenar të qartë, bllokimin e parlamentit dhe sulmet ndaj qeverisë. Por kreu i Kuvendit Ruçi ndërpreu seancën. Pavarësisht vendimit Basha vijoi ligjërimin politik, të transmetuar në rrjetet sociale.
Sulemeve të opozitës, iu përgjigj Taulant Balla, i cili këmbënguli në manipulimin e audiopërgjimit.
Akuzat kundër kryeministrit i forcoi ish-lideri demokrat Berisha. Ndërkohë që për Monika Kryemadhin, autori i përgjimit është vetë Edi Rama.
Pas largimit të opozitës, në parlament mbërriti ministri i Brendshëm Fatmir Xhafaj, ndërkohë që mazhoranca votoi miratimin e projektligjeve, pjesë të rendit të ditës.