Shoqata e Ndërtuesve ka reaguar në lidhje me cilësinë e ndërtimeve pas tërmetit me magnitutë 5.8 të shkallës Rihter që goditi vendin pasditen e të shtunës.
Duke e cilësuar si një test të kaluar, Agron Hysenlliu tha në studion e edicionit qendror të lajmeve në Vizion Plus, se ndërtuesit kanë treguar që kanë bërë punime cilësore dhe se projektuesit e kanë marrë parasysh zonën sizmike në vend, e cila sipas tij ndryshon nga një zonë në tjetrën.
Sa ia takon dëmtimeve të pësuara në pallatet e vjetra, ai deklaroi se ato nuk janë një problem pasi nuk kanë dëmtuar strukturën e tyre.
