Gjatë spektaklit “Këndo Këngën Time” në ekranin e televizionit kombëtar Vizion Plus, grupi Fisnikët u ndalën edhe tek tekstet muzikore që ata krijojnë.
Agimi, vokalisti i grupit u shpreh:
Kënga” Kur të vjen pleqëria”, e kam menduar për kur të vijë pleqëria. Është një tekst intrigues pak. Unë e kam shkruar këtë tekst, interesante ka qenë dy strofa të shkruara dhe dy të tjera aty diku. Unë zakonisht harxhoj një fletore për një tekst. Dal në tjetër faqe, një fletore të plotë deri sa të rregullohen të gjitha rimat dhe rreshtat. Bëjë kombinime matematikore të ndryshme deri sa del në fund. Refreni i këngës ka zgjatur 6 muaj për tu shkruar nga viti 1994 – 1995 deri sa erdhëm te albumi i dytë. Në fund e gjeta formulën, një natë në orën tre të mëngjesit më ka ardhur ajo shkëndija dhe thashë kjo është. Për një copë rreshti kam pritur gjashtë muaj,- ka përfunduar Agimi.
