Koronavirusi po afrohet me shpejtësi. Teksa deri tani u ka marrë jetën më shumë se 170 personave dhe ka izoluar totalisht Kinën, dy raste janë konfirmuar edhe në Itali.
Mediat italiane raportojnë se shtetasit e prekur janë turistë kinezë të ndodheshin në hotelin “Palatino via Cavour” të Romës.
Ata janë izoluar menjëherë, ndërsa kryeministri italian Giussepe Conte u shpreh se po merren të gjitha masat. Conte po ashtu mbylli linjën ajroje Itali-Kinë.
Virusi vdekjeprurës kinez ka prekur edhe SHBA, Britaninë e Madhe dhe Australinë, ndërsa dyshohet edhe për një rast në Selanik.
